Google search: ಮದುವೆಯಾದ ಮಹಿಳೆಯರು ಗೂಗಲ್​ನಲ್ಲಿ ಈ ಸಂಗತಿಯನ್ನು ಹೆಚ್ಚಾಗಿ ಹುಡುಕುತ್ತಾರಂತೆ!

ಯಾವುದಾದರು ವಿಷಯದ ಬಗ್ಗೆ ತಿಳಿಯದೇ ಇದ್ದರೆ ಗೂಗಲ್ ಮೊರೆ ಹೋಗುತ್ತೇವೆ. ನಮ್ಮ ಮನಸ್ಸಿನಲ್ಲಿ ಸುಳಿಯುವ ಪ್ರತಿಯೊಂದು ಪ್ರಶ್ನೆಗೂ ಗೂಗಲ್ ಉತ್ತರವನ್ನು ಹೊಂದಿದೆ.

ಅಂದಹಾಗೆಯೇ ವಿವಾಹಿತ ಮಹಿಳೆಯರು ಗೂಗಲ್​ನಲ್ಲಿ ಹೆಚ್ಚು ಹುಡುಕಾಡುತ್ತಿರುತ್ತಾರೆ ಎಂದು ಇತ್ತೀಚಿನ ಅಧ್ಯಯನವು ಹೇಳಿದೆ. ವಿವಾಹಿತ ಮಹಿಳೆಯರು ಗೂಗಲ್​ನಲ್ಲಿ ಏನು ಹುಡುಕುತ್ತಾರೆ ಎಂಬುದರ ಬಗ್ಗೆ ತಿಳಿಯೋಣ.

ಗೂಗಲ್​ನ ಡೇಟಾ ಪ್ರಕಾರ, ವಿವಾಹಿತ ಮಹಿಳೆಯರು ತಮ್ಮ ಪತಿ ಏನನ್ನು ಇಷ್ಟಪಡುತ್ತಾರೆ ಎಂಬುದನ್ನು ಕಂಡುಹಿಡಿಯುವುದು ಹೇಗೆ ಎಂದು ಹೆಚ್ಚು ಹುಡುಕಾಡುತ್ತಿರುತ್ತಾರೆ. ಅವರ ಆಯ್ಕೆಗಳು ಯಾವುವು ಮತ್ತು ಅವರು ಏನು ಇಷ್ಟಪಡುತ್ತಾರೆ ಮತ್ತು ಇಷ್ಟಪಡುವುದಿಲ್ಲ ತಿಳಿದುಕೊಳ್ಳುವ ಹಂಬಲ ಅವರಿಗಿರುತ್ತದೆ.

ಈ ಪ್ರಶ್ನೆಗಳು ಅವರ ಕಡೆಯಿಂದ ಸಾಕಷ್ಟು ಸಾಮಾನ್ಯವಾಗಿದೆ. ವಿವಾಹಿತ ಮಹಿಳೆಯರು ತಮ್ಮ ಗಂಡನ ಹೃದಯವನ್ನು ಹೇಗೆ ಗೆಲ್ಲಬಹುದು, ಅವರನ್ನು ಹೇಗೆ ಸಂತೋಷಪಡಿಸಬಹುದು ಎಂಬ ಪ್ರಶ್ನೆಯನ್ನು ಗೂಗಲ್​ನಲ್ಲಿ ಸಾಕಷ್ಟು ಬಾರಿ ಹುಡುಕಾಡಿದ್ದಾರೆ.

ವಿವಾಹಿತ ಮಹಿಳೆಯರು ತಮ್ಮ ಪತಿಯನ್ನು ಹೇಗೆ ತಮ್ಮ ಮುಷ್ಟಿಯಲ್ಲಿಟ್ಟುಕೊಳ್ಳಬೇಕು, ಅವರನ್ನು ಆ ರೀತಿ ಮಾಡುವ ದಾರಿಯನ್ನು ಗೂಗಲ್​ನಲ್ಲಿ ಹುಡುಕಾಡುತ್ತಾರೆ. ಹೆಂಡತಿಯರು ತಮ್ಮ ಕುಟುಂಬವನ್ನು ವಿಸ್ತರಿಸುವ ನಿರ್ಧಾರವನ್ನು ಯಾವಾಗ ತೆಗೆದುಕೊಳ್ಳಬೇಕು ಮತ್ತು ಮಗುವನ್ನು ಹೊಂದಲು ಸರಿಯಾದ ಸಮಯ ಯಾವುದು ಎಂದು ತಿಳಿಯಲು ಬಯಸುತ್ತಾರೆ.

ಮಹಿಳೆಯರು ಮದುವೆಯ ನಂತರ ತಮ್ಮ ಹೊಸ ಸಂಸಾರದಲ್ಲಿ ಹೇಗೆ ನಡೆದುಕೊಳ್ಳಬೇಕು, ಆ ಕುಟುಂಬದ ಭಾಗವಾಗುವುದು ಹೇಗೆ?, ಅತ್ತೆ-ಮಾವಂದಿರೊಂದಿಗೆ ಸಂತೋಷದಲ್ಲಿರುವುದು ಹೇಗೆ ಎಂದು ಗೂಗಲ್​ನಲ್ಲಿ ಹುಡುಕಾಡುತ್ತಾರೆ.

ಜೊತೆಗೆ ನಿಮ್ಮ ಕುಟುಂಬದ ಜವಾಬ್ದಾರಿಯನ್ನು ಹೇಗೆ ನೋಡಿಕೊಳ್ಳುವುದು. ಮದುವೆಯ ನಂತರ ಸ್ವಂತ ವ್ಯಾಪಾರವನ್ನು ಹೇಗೆ ನಡೆಸಬೇಕು ಮತ್ತು ಕುಟುಂಬವು ವ್ಯವಹಾರವನ್ನು ಹೇಗೆ ನಿರ್ವಹಿಸಬೇಕು ಎಂದು ತಿಳಿಯಲು ಬಯಸುತ್ತಾರೆ.