ಪ್ರತಿದಿನ ಸೋಂಪು ತಿನ್ನುವುದರಿಂದ ಆರೋಗ್ಯಕ್ಕಿದೆ ಇಷ್ಟೆಲ್ಲಾ ಲಾಭ
ಹೋಟೆಲ್‌ಗಳಲ್ಲಿ ಊಟವಾದ ಮೇಲೆ ಸೋಂಪು ತಿನ್ನಲು ಕೊಡ್ತಾರೆ. ಸಾಮಾನ್ಯವಾಗಿ ಭೂರಿ ಭೋಜನದ ಬಳಿಕ ಎಲ್ಲರೂ ಒಂದರ್ಧ ಚಮಚ ಸೋಂಪಿನ ಕಾಳು ತಿಂತಾರೆ. ಯಾಕಂದ್ರೆ ನಾವು ತಿಂದ ಆಹಾರ ಸುಲಭವಾಗಿ ಜೀರ್ಣವಾಗುತ್ತದೆ ಎಂಬ ಕಾರಣಕ್ಕೆ.
ಅಷ್ಟೇ ಅಲ್ಲ ಸೋಂಪು ಬಾಯಿಯ ರಿಫ್ರೆಶ್ಮೆಂಟ್ ಆಗಿ ಕಾರ್ಯನಿರ್ವಹಿಸುತ್ತದೆ.
ಸೋಂಪು ಸೇವನೆಯಿಂದ ಅನೇಕ ಬಗೆಯ ರೋಗಗಳು ಕೂಡ ದೂರವಾಗುತ್ತವೆ. ರಕ್ತದೊತ್ತಡ, ಅಸ್ವಸ್ಥತೆ, ಕ್ಯಾನ್ಸರ್ ಇತ್ಯಾದಿಗಳಿಗೂ ಇದು ಪರಿಣಾಮಕಾರಿ ಔಷಧವಾಗಿದೆ.
ಸೋಂಪಿನಲ್ಲಿ ಸತು, ಕಬ್ಬಿಣ, ವಿಟಮಿನ್‌ಗಳು, ಮೆಗ್ನೀಸಿಯಮ್, ಫೈಬರ್ ಸೇರಿದಂತೆ ಅನೇಕ ಪೋಷಕಾಂಶಗಳು ಕಂಡುಬರುತ್ತವೆ. ಇದನ್ನು ಸೇವಿಸಲು ನಿಯಮಿತ ಸಮಯವಿಲ್ಲ, ನೀವು ಇದನ್ನು ಯಾವುದೇ ಸಮಯದಲ್ಲೂ ತಿನ್ನಬಹುದು.
ಹೋಟೆಲ್‌, ರೆಸ್ಟೋರೆಂಟ್‌ ಅಥವಾ ರಸ್ತೆ ಬದಿಯ ಗಾಡಿಗಳಲ್ಲಿ ತಿಂದರೆ ಅನೇಕರಿಗೆ ಹೊಟ್ಟೆ ಸಮಸ್ಯೆ ಶುರುವಾಗುತ್ತದೆ. ತಿಂದ ಆಹಾರ ಸರಿಯಾಗಿ ಜೀರ್ಣವಾಗುವುದಿಲ್ಲ. ಹಾಗಾಗಿ ಹೊರಗಿನ ತಿನಿಸುಗಳನ್ನು ತಿಂದ ಬಳಿಕ ಸೋಂಪನ್ನು ತಿನ್ನಬೇಕು.
ಇದರಲ್ಲಿ ಕಂಡುಬರುವ ಸಾರಭೂತ ತೈಲವು ಜೀರ್ಣಾಂಗ ವ್ಯವಸ್ಥೆಯನ್ನು ಬಲಪಡಿಸುವ ಕೆಲಸ ಮಾಡುತ್ತದೆ. ಜೊತೆಗೆ ಇದು ಎಸ್ಟ್ರಾಗನ್, ಆಂಟಿಸ್ಪಾಸ್ಮೊಡಿಕ್, ಅನೆಟಾಲ್, ಫ್ಯಾನ್‌ಚಾನ್‌ನಂತಹ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಹೊಟ್ಟೆಯ ಸಮಸ್ಯೆಗಳನ್ನು ಪರಿಹರಿಸುತ್ತದೆ.
ಪ್ರತಿದಿನ ಸೋಂಪು ತಿನ್ನುವುದರಿಂದ ಕ್ಯಾನ್ಸರ್‌ನಂತಹ ಮಾರಕ ಕಾಯಿಲೆಯಿಂದ ರಕ್ಷಿಸಿಕೊಳ್ಳಬಹುದು. ಇದರಲ್ಲಿ ಕಂಡುಬರುವ ಉತ್ಕರ್ಷಣ ನಿರೋಧಕಗಳು ಸ್ವತಂತ್ರ ರಾಡಿಕಲ್‌ಗಳ ಪರಿಣಾಮವನ್ನು ಕಡಿಮೆ ಮಾಡುತ್ತವೆ. ಇದು ಕ್ಯಾನ್ಸರ್ ಅನ್ನು ತಡೆಗಟ್ಟುತ್ತದೆ.
ಸೋಂಪು ತೂಕ ಕಡಿಮೆ ಮಾಡಲು ಬಹಳ ಪರಿಣಾಮಕಾರಿಯಾಗಿದೆ. ಇದರಲ್ಲಿ ನಾರಿನಂಶವಿದೆ, ಇದು ತೂಕ ಕಡಿಮೆ ಮಾಡಲು ಸಹಕರಿಸುತ್ತದೆ. ಚಯಾಪಚಯ ಕ್ರಿಯೆಯನ್ನು ಸಹ ಇದು ಹೆಚ್ಚಿಸುತ್ತದೆ. ಹಾಗಾಗಿ ತೂಕವನ್ನು ನಿಯಂತ್ರಣದಲ್ಲಿಡಬಹುದು. ಸೋಂಪು ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ. ರಕ್ತದೊತ್ತಡದ ಸಮಸ್ಯೆ ಇದ್ದರೆ ಪ್ರತಿದಿನ ಸೋಂಪಿನ ಕಾಳುಗಳನ್ನು ಸೇವಿಸಬಹುದು.
